Kya likhein..

Ab kya likhein hum kaghaz per
ab likhne ko kya baki hai
ek dil tha so wo toot gaya
ab lutnay ko kya baqi hai

Ek shakas ko hum ne chaha tha
ek rait pe naqsha banaya tha
in rait kay zaroon ko hum ne
Phir apnay dil main sajaya tha

Wo rait to kab ki bikher gaye
Wo naqsha kahan ab baki hai
Ab kya likhein hum kaghaz per
Ab likhnay ko kya baki hai

Hum jin ko apni nazmoon ka
Unwan banaya kertay the
Lafzoon ko bana ker tajmahal
Kaghaz per sajaya karte the

Wo hum ko akela choor gaye
Sab rishtoon say muh moor gaye
Ab rishtay saray suune hai
Wo pyar kahan ab baki hai

Ab kya likhein hum kaghaz par
Ab likhnay ko kya baki hai

-unknown